Category Archives: Business and Industry

Tagalog news: DTI Kapatid Mentor Me program, inilunsad sa Romblon

ODIONGAN, Romblon, Agosto 10 (PIA) — Inilunsad kamakailan ng Department of Trade and Industry (DTI) – Romblon Provincial Office ang Kapatid Mentor Me Program (KMME) sa Haliwood Inn Hotel and Restaurant, Odiongan, Romblon.

Layunin ng naturang programa na magbigay ng mga pamamaraan upang mapalago ng mga MSME’s (Micro Small and Medium Enterprises) ang kanilang negosyo, sa tulong at gabay ng mga piling negosyanteng may napatunayan na sa kanilang larangan.

Malaking biyaya para sa mga negosyante sa buong lalawigan ng Romblon ang paglunsad ng DTI Kapatid Mentor Me Program kung saan dinaluhan ito ng iba’t-ibang mga beteranong negosyante ang programa para tulungan ang mga maliliit na negosyo sa kanilang patuloy na paglago na magsisilbing daan sa unti-unting pag-unlad ng pamayanan.

Ang Kapatid Mentor Me Program ay isinusulong ng Kagawaran ng Kalakan at Industriya bilang pagtalima sa adhikain ng kasalukuyang administrasyon na mapaunlad ang MSME sa bansa.

Ayon kay Orville F. Mallorca, Officer-in-Charge ng DTI Romblon, ang Mentor Me ay isa sa bahagi ng Project Kapatid na naglalayong turuan at bigyan ng mas magandang approach ang mga micro small enterprises.

Ang Mentor Me na inilunsad ng DTI Romblon ay may 12 modules na kinabibilangan ng business model canvass, product development/assessment and innovation, operations management, supply and value chain, human resource and organization management, entrepreneurial accounting and financial management, taxation at business law.(DM/PIA-MIMAROPA/Romblon)

Tagalog news: Fiber Industry sa OrMin, susuportahan ng LGU para lalong palakasin

LUNGSOD NG CALAPAN, Oriental Mindoro, Agosto 7 (PIA) – Susuportahan at palalakasin ng pamahalaang lokal ang industriya ng abaca sa lalawigan ng Oriental Mindoro.

Ito ang napagkasunduan kamakailan sa pagsasama-sama ng mga kinatawan ng pamahalaang lokal, mga ahensyang namamahala sa fiber industry, mamimili at mga magsasakang nagtatanim ng abaca sa isinagawang pagpupulong sa bayan ng Baco kamakailan.

Kabilang sa mga dumalo sa pagpupulong ang mga nagtatanim ng abaca na karamihan ay nagmula sa bayan ng Baco, mga pribadong kumpanya na namimili at nagpoproseso ng abaca fiber tulad ng Agri-Tech Integrated Services Company (ATISCO) at Albay Agro-Industrial Development Corporation (ALINDECO), ahensyang mula sa Kagawaran ng Pagsasaka tulad ng Philippine Fiber Industry Development Authority (PhilFIDA) at mula sa pribadong sektor na nagsusulong na muling makilala ang fiber industry sa Pilipinas.

Sa mensahe ni Baco Mayor Reynaldo Marco, hinihikayat niya ang mga magsasaka na pagbutihin ang pagtatanim ng abaca sapagkat ito, aniya, ang magbibigay sa kanila ng magandang kabuhayan.

Ipinaabot din niya ang kanyang taus-pusong pasasalamat sa lahat ng mga bisita at ipinaalala sa kanyang mga kababayan ang commitment ng bawat isa na gampanan ng maayos ang kanilang trabaho.

Naging panauhing pandangal at pangunahing tagapagsalita sa pagpupulong si Executive Director Kennedy T. Costales ng PhilFIDA na nagbahagi ng kasalukuyang sitwasyon at magandang hinaharap ng industriya ng abaca sa buong bansa.

“Ang abaka ay regalo ng Diyos sa ating lahat.  Mahabang panahon itong napabayaan ng mga nakaraang administrasyon subalit ngayon, sisiguraduhin naming payayamanin namin kayo. Tinatayang 85 porsiyento ang market share ng Pilipinas sa fiber production sa buong  mundo”, ayon kay Costales.

Idinagdag din niya na dahilan sa pandaigdigang mga programa at proyektong tumutugon sa panawagan na palaging isaalang-alang ang kalikasan, nagiging ‘in-demand’ ang abaca fiber bilang isang napakahalagang biodegradable material na lalong nagpalakas sa potensiyal ng fiber industry sa bansa.

Kumatawan kay Gob. Alfonso V.  Umali, Jr. sa nasabing pagtitipon si Provincial Government Consultant Jaime G. Nuevas, Jr.  Ayon kay Nuevas, buo ang suporta ng pamunuan ni Gob. Umali sa PhilFIDA na siyang nagtataguyod upang ang fiber industry ay maisulong sa lalawigan ng Oriental Mindoro na magbibigay ng karagdagang kabuhayan para sa mga mamamayan. (CPRSD/LTC/PIA-Mimaropa/Calapan)

 

Tagalog news: Gabay sa pagnenegosyo, hatid ng Kapatid Mentor Me Program ng DTI

SAN JOSE, Occidental Mindoro, Hunyo 19 (PIA) – Aabot sa halos 200 partisipante ang dumalo sa paglulunsad sa lalawigan ng Kapatid Mentor Me Program (Mentor Me) ng Department of Trade and Industry (DTI) noong ika-14 ng Hunyo sa Sikatuna Beach Hotel, San Jose.

Layunin ng nasabing aktibidad na mabigyan ng tamang kasanayan at libreng gabay ang mga nagnenegosyo lalo na ang mga nagsisimula pa lamang.

Ayon kay DTI Regional Director Joel Valera, sa tulong ng Go Negosyo, ay inimbitahan ng kanilang tanggapan ang mga kilalang personalidad sa sektor ng pagnenegosyo. Ang mga ito ay magsisilbing mentor o siyang gagabay sa 15 mapipiling MSME’s (Micro Small and Medium Enterprises) ng Mentor Me. Sasailalim naman ang mga MSME’s sa sampung modules ng nasabing programa.

Unang nagbahagi ng kanyang kaalaman si Armando Bartolome, may akda ng aklat na Is Franchising For You?, na ginawaran bilang Book of the Year noong 2012.  Tinalakay ni Bartolome ang nararapat na kaisipang taglay at pagpapahalaga na meron ang isang Entrepreneur.

“Think outside the box”, suhestyon ni Bartolome, sakaling may mga sitwasyong kakaharapin sa pagnenegosyo. Ibinigay nitong halimbawa ang Mang Inasal, na orihinal na pinagmulan ng unlimited rice.

Isa naman sa mga partisipante ng Mentor Me ay si Manilyn Uy- Salazar, kabilang sa isang non-government agency at nais na magnegosyo. Ayon sa kanya malaking tulong ang nasabing programa lalo na sa mga tulad niyang magsisimula pa lamang. “It will inspire you to be a part of something bigger than yourself (bibigyan ka ng inspirasyon upang maging bahagi ng isang bagay na mas higit pa sa sarili)”, saad ni Salazar. Dagdag pa nito, dapat iprayoridad ng mga magnenegosyo, ang tamang paguugali at ang kaisipan na palaging makatulong sa kapwa.

Ang Kapatid Mentor Me Program ay dinaluhan ng mga kooperatiba, asosasyon at mga indibidwal na nagnanais sumubok sa pagnenegosyo upang makamit ang financial freedom o kalayaan sa kakapusan. (VND/PIA MIMAROPA/Occ Min)

Investments of MSMEs in OrMin rise to 11%

BY: LUIS T. CUETO

CALAPAN CITY, Oriental Mindoro, Jan. 30 (PIA) – The new investments from micro, small and medium enterprises (MSMEs) in the province rose to 11 percent in the previous year.

Department of Trade and Industry (DTI) Provincial Director Boyet M. Agbay disclosed recently in an interview that MSMEs registered with the DTI-Oriental Mindoro rose 11.13 percent to P341.9 million in 2013 over last year’s P307 million, while the number of new business name applications increased to 1,595, up 14 percent from 1,396 new applications in 2012.

Agbay reported that the new investments are the result of many factors such as improving economy, steady flow of OFW remittances, streamlined business permit and licensing system, efficient transport logistics between the province and the mainland Luzon, among others.

“As the regional government center for MIMAROPA region with a robust banking industry offering a wide array of financial  services  and increasing population, Oriental  Mindoro remains  a good choice to do business,” Agbay stated.

He further said, “The increase in new business applications also resulted to the increase in income collection and other receipts remitted to the Bureau of Treasury  of the DTI Provincial Office, from P1,181,600 in 2012  to P1,374,190 in 2013.”

These investments generated 3,717 new jobs, mostly in the trading and services, accounting for a combined share  of 91% of the total employment recorded.

For the year, Calapan City garnered the biggest share with P166 million, followed by Puerto Galera with P91.3 million and Pinamalayan with P26.4 million.

Agbay also noted that these favorable factors for investment should be complemented by sound investment policy. The amended Oriental Mindoro Investment Code of 2014 under the initiative of Governor Alfonso V. Umali, Jr.,  Vice Governor Bonz Dolor and the Sangguniang Panlalawigan  will soon be passed into an ordinance within the first semester this year. (DTI/LTC/PIA4B/Calapan City)