Tagalog news: 8 mag-aaral na-stranded sa gitna ng ilog, sinagip ng mga awtoridad

ODIONGAN, Romblon, Hulyo 21 (PIA) — Sinagip ng mga tauhan ng Municipal Disaster Risk Reduction and Management Office, Bureau of Fire Protection, Philippine Coastguard at Philippine National Police ang walong bata sa gitna ng ilog matapos silang maistranded dahil sa rumaragasang baha.

Basang-basa na at nanginginig sa ginaw ang pitong mag-aaral ng Gabawan Elementary School ng datnan ng rescue team ng Municipal Disaster Risk Reduction and Management Council ng Odiongan, Romblon.

Batay sa kwento ng mga bata, na-trap sila sa gitna ng Bulwang River kahapon ng hapon dahil sa biglang tumaas ang tubig habang binabaybay nila ito patungo sa kanilang pinapasukang paaralan.

Habang sumisilong sila sa isang puno ay may napadaan ang isang guro sa kanilang paaralan kung kaya sila ay humingi ng saklolo dito.

Agad namang nagtungo sa barangay hall ang naturang guro para humingi ng tulong na masagip ang mga batang nasa gitna ng ilog at kagyat na tumawag sa MDRRMO kung kaya’t mabilis na ikinasa ang rescue operation.

Bagamat mahirap ang pag-rescue sa mga bata dahil madulas at malakas ang agos ng ilog, isa-isang nailigtas ang mga ito ng mga tauhan ng Odiongan MPS, BFP at Coast Guard` sa pamamagitan ng itinaling lubid sa puno.

Sumilong umano muna sila sa puno at aantayin sanang palipasin ang ulan ngunit patuloy ang pagbuhos ng ulan kaya minarapat nilang humingi ng tulong. Nakita sila ng ilang guro ng paaralan kaya nakahingi ng tulong agad sa barangay.

Ang mga mag-aaral na nasagip ng mga awtoridad ay kinilalang sina Ronald Urbano, 10 taong gulang; John Michael Urbano, 6 na taong gulang; Antonette Victoriano 6 na taong gulang; Rhea Nera Fetalvero,  9 na taong gulang; Rosamia Fetalvero, 8 taong gulang; Kim Shane Fetalvero, 7 taong gulang; Kristela Urbano, 8 taong gulang at Francine Fetalvero, 11 taong gulang.

Matapos sumailalim sa pagsusuri ng manggagamot ay agad ding pinayagan na makauwi ito sa kanilang tahanan na kasama ang kani-kanilang mga magulang.(PJF/DM/PIA-MIMAROPA/Romblon)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s