CALAPAN, Oriental Mindoro, Okt. 13 (PIA) – Suportado ngayon ng pamahalaang lungsod ng Calapan ang kauna-unahang online grocery na inilunsad ni Allan Muhammad Ali Lachica sa Calapan noong Setyembre.
Ang online grocery na Small Basket ay isang uri ng komersyo sa syudad. Bahagi ito ng pagiging Regional Center ng Mimaropa at pagiging competitive city ng bansa.
Ayon kay Lachica, dalawang buwan niyang pinag-aralan at ginawa ang nasabing website bago ito nailunsad. Naglalaman ito ng iba’t ibang pangunahing produkto gaya ng pagkain, personal care at iba pa.
Kumpara aniya sa ibang online shops, libreng maihahatid door-to-door sa halagang P200 minimum grocery ang mga pinamili at walang delivery charge ang naturang serbisyo.
Bukas ang ‘small basket’ para sa mga interesadong mag-grocery online araw-araw, i-type lamang ang http://www.smallbasket.com.ph o magtxt sa 0977-8366453. (CIO/LTC/PIA-Mimaropa/Calapan)
